दार्चुला । दार्चुलामा शुक्रबार थप ९ जनामा कोरोना संक्रमण पुष्टि भएको छ ।
एन्टीजेन विधिमार्फत गरिएको परिक्षणमा जिल्लाका विभिन्न स्थानीयतहका ९ जनामा कोरोना संक्रमण पुष्टि भएको हो ।
शुक्रबार जिल्लाको महाकाली नगरपालिकामा ६ जनामा, मार्मा गाउँपालिकामा १ जनामा, मालिकार्जुन गाउँपालिकामा २ जनामा गरि थप ९ जनामा कोरोना संक्रमण पुष्टि भएको स्वास्थ्य कार्यालय दार्चुलाका सिआइसिटी सहजकर्ता सुरज सुजन बोहराले जानकारी दिनुभयो ।
आज थपिएका सहित दार्चुलामा कोरोना संक्रमण पुष्टि हुनेको संख्या ६ सय ४९ पुगेको उहाँले बताउनुभयो ।
यस्तै आज थप ३१ जना कोरोना संक्रमण मुक्त भएका छन । यो संगै दार्चुलामा हाल सम्म कोरोना संक्रमण मुक्त हुनेको संख्या ५ सय २७ पुगेको छ ।
कोरोनाको दोस्रो लहर सुरु भए यता दार्चुलामा १० जनाको कोरोना संक्रमणको कारण ज्यान गएको छ ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया