दार्चुला । प्रमुख जिल्ला अधिकारी सिद्वराज जोशी नेतृत्वको टोलीले शैल्यशिखर नगरपालिका वडा नम्बर ९, मा अवस्थित गोकुलेश्वर बजार सहित शैल्यशिखर नगरपालिकाले निमार्ण गरेको आइसोलेसन सेन्टरको अनुगमन गरेको छ ।
अनुगमनका क्रममा आइतबार बिहान गोकुलेश्वर पुग्नुभएका प्रमुख जिल्ला अधिकारी जाशीले गोकुलेश्वरमा निषेधाज्ञाको पालना सन्तोषजनक रहेको र नगरपालिकाले निमार्ण गरेको आइसोलेसनमा अहिले संक्रमितहरु नभएपनि व्यवस्थित रहेको प्रतिक्रिया दिनुभयो ।
दार्चुला जिल्लामा एक महिनादेखि जारी गरिएको निषेधाज्ञाको समयावधि यहिं जेठ २० गते सम्म रहेको बताउदैं प्रजिअ जोशीले मंगलबार जिल्ला कोभिड १९ व्यवस्थापन केन्द्रको बैठक बोलाइएको र सोहि दिन निषेधाज्ञा लम्ब्याउने अथवा यसको मोड्यालिटी परिवर्तन गर्ने भन्ने बारे छलफल गरि निर्णय लिइने जानकारी दिनुभयो ।
अनुमगम टोलीमा प्रमुख जिल्ला अधिकारी जोशीसहित सशस्त्र प्रहरी बल प्रमुख एसएसपी नरेन्द्र बम, जिल्ला प्रहरी कार्यालय दार्चुलाका प्रमुख डिएसपी मनोहर प्रसाद भट्ट लगायतको सहभागिता रहेको थियो ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया