दार्चुला । दार्चुलामा आईतबार थप तीन जनामा कोरोना संक्रमण पुष्टि छ । जिल्लाका विभिन्न ठाउँमा गरिएको एन्टीजेन परिक्षणमा आज थप ३ जनामा कोरोना संक्रमण पुष्टि भएको स्वास्थ्य कार्यालय दार्चुलाले जनाएको छ ।
आज कोरोना संक्रमण पुष्टि हुनेमा जिल्लाको शैल्यशिखर नगरपालिकाका दुई जना र मालिकार्जुन गाउँपालिकाका एक जना रहेको स्वास्थ्य कार्यालय दार्चुलाका सिआर्इसिटी सहजकर्ता सुरज सुजन बोहराले जानकारी दिनुभयो ।
आज थपिएका सहित दार्चुलामा कोरोनाको दोस्रो लहर सुरु भया यता कोरोना संक्रमण पुष्टि हुनेको संख्या ६ सय ७६ पुगेको छ ।
हाल सम्म जिल्लाको महाकाली नगरपालिकामा १ सय ७० जनामा कोरोना पुष्टि भएको छ । त्यस्तै शैल्यशिखर नगरपालिकामा ९२ जनामा, अपिहिमाल गाउँपालिका १ सय ७ जनामा, ब्याँस गाउँपालिकामा ३० जनामा, दुहुँ गाउँपालिकामा ७० जनामा, मार्मा गाउँपालिकामा ४८ जनामा, नौगाड गाउँपलिकामा ५४ जनामा, मालिकार्जुन गाउँपालिकामा ४३ जनामा र लेकम गाउँपालिकामा ६२ जनामा संक्रमण पुष्टि भएको छ ।
आइतबार दार्चुलामा थप ६ जना कोरोना संक्रमणमुक्त भएका छन । यो संगै दार्चुलामा हालसम्म कोरोना मुक्त हुनेको संख्या ५ सय ३९ पुगेको छ।
कोरोनाको दोस्रो लहर सुरु भए यता दार्चुलामा संक्रमणको कारण ११ जनाको ज्यान गएको छ।
पछिल्लो समय संक्रमित भन्दा संक्रमणमुक्त हुनेको संख्या बढ्दै गएको छ । संक्रिय संक्रमितको संख्या १२६ रहेको स्वास्थ्य कार्यालय दार्चुलाले जनाएको छ ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया