दार्चुला । नेपाल सरकारको भौतिक पुर्वाधार तथा यातायात मन्त्रालयबाट दार्चुलाका विभिन्न २३ योजनाहरुमा बजेट विनियोजन गरिएको छ ।
अगामी आर्थिक बर्ष २०७८/०७९ मा कार्यान्वयनका लागि भौतिक पुर्वाधार तथा यातायात मन्त्रालयबाट प्रकासित विवरण अनुसार २३ योजनामा बजेट विनियोजन गरिएको छ ।
सरकारले प्राथमिकताका साथ निर्माण गरिरहेको महाकाली करिडोर (कञ्चनपुरदेखि दार्चुला सदरमुकाम खलंगा हुँदै तिकंर जोड्ने सडक) मा एक अर्ब तीन करोड बजेट विनियोजन गरिएको छ । सामरिक महत्तको यो सडक निर्माण सम्पन्न भए दार्चुलासहित सिगों सुदूरपश्चिम प्रदेशले धार्मीक, आर्थिक, व्यापारीक र पर्यटकीय दृष्टिकोणले लाभ लिन सक्ने जानकारहरु बताउछन् ।
यस्तै स्थानीय सडक पुल अन्तरगत बैतडीको दोगडाकेदार गाउँपालिका र दार्चुलाको लेकम गाउँपालिकाको सीमा क्षेत्र धनथलामा पक्कि पूल निर्माणका लागि ४७ लाख ५० हजार, मार्मा गाउँपालिकाको पारिबगर खोला पुल निर्माणका लागि ४७ लाख ५० हजार र नौगाड गाउँपालिकाको नौगाड पुलका लागि १३ लाख बजेट विनियोजन गरिएको छ ।
यस्तै निर्वाचन क्षेत्र रणनीतिक सडक अन्तरगत खलंगा–खार–बिटुले–पारीबगर–खण्डेश्वरी सडकको काँटै–होपरीगाड खण्डको १० किलोमिटर र बिटुले पारीबगर खण्डको १० किलोमिटर क्षेत्रका लागि एक करोड २० लाख बजेट विनियोजन गरिएको छ ।
रणनैतिक पुल योजनाहरु अन्तरगत लास्कुघाट पुलमा एक करोड, श्रीबगर निजाङ्ग पुलमा २० लाख, धौलिगाड खोला पुलमा ५० लाख, घट्टेखोला पुलमा १५ लाख, अर्को घट्टेखोला पुलमा ५० लाख बजेट विनियोजन गरिएको छ । यस्तै कचालिघाट पुलमा ५० लाख, सुरकाडा खोला पुलमा १५ लाख, काकडीगाड पुलमा एक करोड, खोलेगाड खोला पुलमा ५० लाख, मेलकोट (सिसली) खोला पुलमा ५० लाख, कालागाड पुल दुहुँ २ र ५ मा ३० लाख र कुरकुर पुल दुहुँ १ र २ मा ३० लाख बजेट विनियोजन गरिएको छ ।
सडक पुर्वाधार विकास कार्यक्रम अन्तर्गत देथला खार खलंगा सडकमा २४ लाख, विटुले पारिवगर खण्डेश्वरी सडकमा २४ लाख, भर्तोला–उकु–शेरा सडकमा २४ लाख र तिमुरबाटा–बनानी–हुती सडकमा २४ लाख बजेट विनियोजन गरिएको छ ।
वैकल्पिक सहायक राजमार्ग विकास कार्यक्रम अन्तर्गत गोकुलेश्वर–देथला–खार–खलंगा सडकमा दुई करोड र सतबाँझ–थकतोली–दार्चुला–तिंकर सडकको गोकुलेश्वर–दार्चुला सडक खण्डमा पाँच करोड बजेट विनियोजन गरिएको पूर्वमन्त्री एबं नेकपा एमालेका नेता गणेशसिंह ठगुन्नाले जानकारी दिनुभयो ।
उल्लेखित योजनाहरु भौतिक पुर्वाधार तथा यातायात मन्त्रालय अन्तरगतका मात्रै भएकोले अन्य मन्त्रालयबाट समेत दार्चुलाको विभिन्न क्षेत्रमा योजनाहरु परेको ठगुन्नाले बताउनुभयो । अगामी आर्थिक वर्षमा कार्यान्वयनका लागि मन्त्रालयहरुले योजना तथा कार्यक्रम सार्वजनिक गर्न थालेका छन् ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया