काठमाण्डौ । जनता समाजवादी पार्टी (जसपा) का अध्यक्ष उपेन्द्र यादवले कार्यकारिणी समितिको बैठक बोलाएका छन् । बैठकमा अर्का अध्यक्ष महन्थ ठाकुर सहित नेताहरुलाई भने बोलाइएको छैन ।
‘कारबाहीमा परेकाहरुलाई त बोलाउने कुरा भएन । अरुलाई बोलाइएको छ’, जसपाका नेता इस्तियाक राईले भन्नुभयो । उहाँका अनुसार, सरकारमा सहभागी भएकाहरुलाई पनि बैठकमा बोलाइएको छैन ।
यो समूहले ठाकुर, राजेन्द्र महतो, सर्वेन्द्रनाथ शुक्ल र लक्ष्मणलाल कर्णलाई निष्कासन गरेको छ ।
बैठकमा निर्वाचन आयोगको निर्णय, लुम्बिनी प्रदेश सरकार लगायतबारे छलफल हुने राईले बताउनुभयो । यद्यपि बैठकको स्थान भने टुंगो लागेको छैन ।
३० जेठमा आयोगले जसपाका दुवै समूहले गरेको माग दावी अस्वीकार गर्ने निर्णय गरेको छ । यादवले चार नेतालाई निष्काशन गरिएको जानकारी आयोगलाई गराएको थियो । ठाकुरले पनि यादवलाई निष्काशन गरिएको पत्र बुझाएका थिए ।
तर, आयोगले भने दुवै पक्षको माग अनुसार दल दर्ता किताव अद्यावधिक गर्न नसकिने निर्णय गरेको छ ।
विगत ११ बर्षदेखि पत्रकारितामा सक्रिय लोकदर्पण मिडियाका संस्थापक/सञ्चालक लोकेन्द्र प्रसाद जोशी सामाजिक, आर्थिक, राजनीतिक लगायत समसामयिक विभिन्न विधामा कलम चलाउछन् ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया