काठमाडौं । पछिल्लो २४ घण्टामा थप १९२० जनामा कोरोना भाइरस संक्रमित भेटिएका छन् ।
स्वास्थ्य तथा जनसंख्या मन्त्रालयका अनुसार ६००० जनामा गरिएको पीसीआर परीक्षणमा १३५३ र ३८३६ जनामा गरिएको एन्टिजेन परीक्षणमा ५६७ जना गरी १९२० जनामा संक्रमण पुष्टि भएको हो ।
संक्रमितमध्ये काठमाडौं उपत्यकमा ४२४ जना रहेका छन् । जसमा काठमाडौं जिल्लामा २९२, ललितपुरमा १०० र भक्तपुरमा ३२ जना रहेका छन् । पछिल्लो २४ घण्टामा कोरोना भाइरस संक्रमणमुक्त हुनेको संख्या ३००७ रहेको छ । संक्रमणका कारण ३४ जनाको मृत्यु भएको छ ।
नेपालमा हालसम्म ६ लाख ६५ हजार ७७७ जनामा कोरोना भाइरस संक्रमण भएकामा ५ लाख ८४ हजार ३३४ जना संक्रमणमुक्त भएका छन् भने ९००९ जनाको मृत्यु भएको छ ।
यस्तै स्वास्थ्य मन्त्रालयका अनुसारका सबेभन्दा धेरै काठमाडौंमा २९२, सुनसरीमा १७१, मोरङ १०४, ललितपुरमा १०० जनामा कोरोना संक्रमण देखिएको छ ।
कास्कीमा ८३, नुवाकोटमा ५८, चितवनमा ५५, सुर्खेतमा ४३, सिन्धुपाल्चोकमा ३९, काभ्रेपलाञ्चोकमा ३६, भक्तपुरमा ३२ , तनहुँमा २९, झापामा २६ र धादिङमा २५ जना कोरोना संक्रमित थपिएका छन् ।
यस्तै रुपन्देहीमा १८, लमजुङ र बागलुङमा १७र१७ जना, स्याङजामा १५, दाङमा १४, दोलखा र कैलालीमा १३र१३ जना, उदयपुर, धनुषा र सप्तरीमा ११र११ जना, पाल्पामा १० जनामा कोरोना संक्रमण देखिएको छ ।
१० वर्ष मुनिका ५० जना बालबालिकामा कोरोना संक्रमण देखिएको छ भने ११ देखि २० वर्ष उमेर समूहका ११६ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
विगत ११ बर्षदेखि पत्रकारितामा सक्रिय लोकदर्पण मिडियाका संस्थापक/सञ्चालक लोकेन्द्र प्रसाद जोशी सामाजिक, आर्थिक, राजनीतिक लगायत समसामयिक विभिन्न विधामा कलम चलाउछन् ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया