दार्चुला । दार्चुलामा अहिले सम्म चार हजार भन्दा बढिको पीसीआर तथा एन्टिजेन विधिबाट कोरोना परीक्षण गरिएकोमा एक हजार ९० जनामा कोरोना संक्रमण पुष्टि भएको छ । संक्रमित मध्ये २१ जनामात्रै सक्रिय संक्रमित रहेका छन् । मंगलबारसम्म एक हजार ५८ जना संक्रमितले कोरोना जितिसकेको स्वास्थ्य कार्यालय दार्चुलाले जनाएको छ ।
स्वास्थ्य कार्यालयका अनुसार दार्चुलाका पाँच वटा स्थानीय तह तत्कालका लागि कोरोना संक्रमितमुक्त भएका छन् । लेकम गाउँपालिका, दुहुँ गाउँपालिका,नौगाड गाउँपालिका, व्यासँ गाउँपालिका र मार्मा गाउँपालिकामा अहिले कोरोनाका सक्रिय संक्रमित नरहेको स्वास्थ्य कार्यालय दार्चुलाले जनाएको छ ।
कोरोना परीक्षण र स्वाब संकलन गर्ने क्रम घटेकाले पनि स्थानीय तहहरुमा कोरोना संक्रमित पहिचान नभएका हुन सक्ने भएकोले खानपान, स्वास्थ्य सुरक्षाका मापदण्डको पालना र सतर्कतामा भने ध्यान दिन स्वास्थ्यकर्मीहरुले अनुरोध गरेका छन् ।
कोरोनाका सक्रिय संक्रमित घट्दै गएपनि जोखिम कायमै रहेकोले सतर्कता अपनाउनु आवश्यक रहेको जनस्वास्थ्य अधिकृत जयराज भट्टले बताउनुभयो ।
दार्चुलामा कोरोनाका कारण हालसम्म ११ जनाको ज्यान गएको छ । अहिले महाकाली नगरपालिकाका १८ जना सहित जिल्लाभरी २१ जना कोरोनाका संक्रिय संक्रमित रहेका छन ।
विगत ११ बर्षदेखि पत्रकारितामा सक्रिय लोकदर्पण मिडियाका संस्थापक/सञ्चालक लोकेन्द्र प्रसाद जोशी सामाजिक, आर्थिक, राजनीतिक लगायत समसामयिक विभिन्न विधामा कलम चलाउछन् ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया