दार्चुला । सुदूरपश्चिममा भदौ महिनामा शनिबारसहित ९ दिन बिदा रहेको छ। चार दिन शनिबारको बिदा छ भने अन्य ५ दिन प्रदेश र संघीय सरकारले सार्वजनिक बिदा दिने निर्णय गरेका छन्।
प्रदेश सरकारको निर्णयअनुसार भदौ १४ गते कृष्णजन्माष्टमी पर्व र भदौ २७ गते अटबारी पर्व (कैलाली र कञ्चनपुर) मा बिदा छ। कृष्णजन्माष्टमी पर्वमा संघीय सरकारले पनि सार्वजनिक बिदा दिएको छ भने सोही दिन परेको गौरा पर्वको पनि बिदा छ।
यस्तै संघीय सरकारले नै भदौ ६ गते जनैपूर्णिको बिदा दिएको छ। भदौ ७ गते देशभरका नेवार समुदायका लागि गाईजात्रा पर्वको बिदा दिने संघीय मन्त्रीपरिषद्को बैठकले निर्णय गरिसकेको छ। सुदूरपश्चिम प्रदेशका विभिन्न जिल्लामा पनि नेवार समुदायको बसोबास रहेको छ। यस्तै भदौ २४ गते हरितालिका तीजमा (महिला) बिदा दिइएको छ।
विगत ११ बर्षदेखि पत्रकारितामा सक्रिय लोकदर्पण मिडियाका संस्थापक/सञ्चालक लोकेन्द्र प्रसाद जोशी सामाजिक, आर्थिक, राजनीतिक लगायत समसामयिक विभिन्न विधामा कलम चलाउछन् ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया