दार्चुला । दार्चुलामा जीप चालकले भेटेको एक तोला सुन सम्बन्धित सुन धनीलाई बुझाइएको छ । गोकुलेश्वरबाट बगौरासम्म जाने क्रममा म १ ज १२८ नम्बरको जीपमा यात्री मनिसा साउदको अन्दाजी १ तोला बराबरको सुनको गहना खसेको अवस्थामा फेला पारी जीप चालक दार्चुलाको शैल्यशिखर नगरपालिका वडा नम्बर ४ काँडापारी बस्ने ३९ वर्षीय तेज सिंह धामीले इलाका प्रहरी कार्यालय गोकुलेश्वरलाई बुझाएको थियो ।
तेजसिहले जीपमा भेटेको सुन इलाका प्रहरी कार्यालयमा सुन बुझाएपश्चात कार्यालयबाट खोज तलास गर्दा उक्त सुनको गहना बैतडीको डिलाशैनी गाउँपालिका वडा नम्बर ७ कपल्टा बस्ने २० वर्षीया मनिसा साउँदको रहेको भनि खुल्न आएपछि मनिसालाई सुन बुझाइएको इलाका प्रहरी कार्यालय गोकुलेश्वरले जनाएको छ । मंगलबार मनिसालाई इप्रका गोकुलेश्वरमा बोलाएर उक्त सुनको गहना सम्बन्धित धनी मनिसा साउँदलाई हस्तान्तरण गरिएको प्रहरीले जनाएको छ ।
विगत ११ बर्षदेखि पत्रकारितामा सक्रिय लोकदर्पण मिडियाका संस्थापक/सञ्चालक लोकेन्द्र प्रसाद जोशी सामाजिक, आर्थिक, राजनीतिक लगायत समसामयिक विभिन्न विधामा कलम चलाउछन् ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया