दार्चुला । दार्चुलाबाट १९ बर्षीय कृष्णसिंह रावल नेपाली कांग्रेसको क्षेत्रीय प्रतिनिधि चयन हुनुभएको छ । काग्रेशको १४ औं महाधिवेशन अन्तर्गत गत साता सम्पन्न भएको शैल्यशिखर नगरपालिका वडा नम्बर ५ को वडा अधिवेशनबाट आफू निर्विरोध क्षेत्रीय प्रतिनिधि चयन भएको रावलले बताउनुभयो ।
कक्षा ७ मा पढ्दा नै काग्रेशको भातृ संस्था नेबि संघको एकाइ अध्यक्ष भएर राजनीतिमा लागेका रावल कक्षा ९ मा पढ्दा नेबि संघको जिल्ला सदस्य चयन हुनुभएको थियो । अहिले जिल्लाभरीका एक हजार तीन सय बढी क्षेत्रीय प्रतिनिधिमध्ये कान्छो प्रतिनिधिको रुपमा आफु छनोट भएको उहाँको भनाई छ ।
नेपाली कांग्रेसको भातृ संगठन नेपाल विद्यार्थी संघमा आवद्ध रावल सानै उमेरमा पार्टी राजनीतिमा सक्रिय हुनुभएको छ । नेपाली कांग्रेसमा युवा नेतृत्व आउनुपर्ने बताउँदै क्षेत्रीय प्रतिनिधि रावलले युवा र विद्यार्थीको आवाज बुलन्द गर्दै राजनीतिबाट समाजसेवा गर्ने ईच्छा रहेको बताउनुभयो ।
विगत ११ बर्षदेखि पत्रकारितामा सक्रिय लोकदर्पण मिडियाका संस्थापक/सञ्चालक लोकेन्द्र प्रसाद जोशी सामाजिक, आर्थिक, राजनीतिक लगायत समसामयिक विभिन्न विधामा कलम चलाउछन् ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया