दार्चुला । दार्चुलाको नौगाड गाउँपालिकामा पर्ने देथला खार खलंगा सडक अन्तरगत होपरीगाडदेखि दल्लेखसम्मको सडकखण्ड मर्मत गरी सञ्चालनमा आएको छ । गत असार २३ र २४ गते भएको अबिरल वर्षाका कारण आएको वाढीले क्षतिग्रस्त देथला खार खलंगा सडक खण्डको होपरीगाड देखि दल्लेख सम्मको अबरुद्ध सडक सञ्चालनमा आएको स्थानीय सन्तोषसिंह ठगुन्नाले जानकारी दिनुभयो ।
नौगाड गाउँपालिकाले बिगत एक महिना देखि मेसिन र कामदारहरू परिचालन गरेर सडक मर्मत गरेसंगै मंगलरबारबाट होपरीगाड दल्लेख सडक पुनः सुचारू भएको ठगुन्नाले बताउनुभयो । देथला खार खलंगा सडक बर्षाको समयमा पटकपटक अवरुद्ध हुने गरेको छ । सडक अवरुद्ध हुँदा पैदल यात्रु र यातायातका साधन सञ्चालन गर्न समस्या हुने गरेको छ ।
विगत ११ बर्षदेखि पत्रकारितामा सक्रिय लोकदर्पण मिडियाका संस्थापक/सञ्चालक लोकेन्द्र प्रसाद जोशी सामाजिक, आर्थिक, राजनीतिक लगायत समसामयिक विभिन्न विधामा कलम चलाउछन् ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया