दार्चुला । प्रतिनिधिसभाबाट आर्थिक र राष्ट्र ऋण उठाउने विधेयक पारित प्रतिनिधिसभाबाट आर्थिक र राष्ट्रिय ऋण उठाउने विधेयक पारित भएको छ । बिहीबार बसेको बैठकमा प्रमुख प्रतिपक्षी दल नेकपा (एमाले) को अवरोधकाबीच ‘आर्थिक विधेयक, २०७८’ र ‘राष्ट्र ऋण उठाउने विधेयक, २०७८’ पारित भएको हो ।
बैठको सुरुवातमै एमालेको सांसदहरूले उठेर वेल घेर्दै नाराबाजी गरेको थिए । केही समय बस्नका लागि आग्रह गर्नुभएका सभामुख अग्निप्रसाद सापकोटाले एमाले सांसदले नटेरेपछि बैठकको कारबाही अगाडि बढाउनुभएको थियो । दुवै विधेयकमाथि सांसद प्रेम सुवालले संशोधन प्रस्ताव राखेपछि बहुमतले अस्वीकृत भएको थियो । पारित भएका दुवै विधेयकलार्ई अब राष्ट्रियसभामा पठाइनेछ ।
यसअघि राष्ट्रिय सभाबाट ‘विनियोजन विधेयक, २०७८’ बुहमतले पारित भएको थियो । प्रतिनिधिसभाको बिहीबारको बैठकमा त्यसको विषयमा पनि जानकारी गराइएको थियो । प्रतिनिधिसभाको अर्को बैठक २०७८ असोज ११ गते सोमबार दिउँसो २ बजे बस्नेछ ।
विगत ११ बर्षदेखि पत्रकारितामा सक्रिय लोकदर्पण मिडियाका संस्थापक/सञ्चालक लोकेन्द्र प्रसाद जोशी सामाजिक, आर्थिक, राजनीतिक लगायत समसामयिक विभिन्न विधामा कलम चलाउछन् ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया