दार्चुला । दार्चुलाको हिमाली क्षेत्रमा कार्तिक पहिलो साता नै भारी हिमपात भएको छ । लेकाली क्षेत्रमा हिमपात हुँदा चिसो ह्वात्तै बढेको छ । अपिहिमाल र व्यास गाउँपालिकाको विभिन्न क्षेत्रमा हिमपात भएको छ । हिमपातले हिमाल र उच्च पहाडी डाडाकाडा ढाकीएका छन् । विहिबार घाम परेपछि हिमालहरु टल्किएकोमा शुक्रबार फेरी कुहिरो लागेको छ ।
व्यास गाउँपालिका वडा नम्बर १ को तिकंर गाउँसहित लेकाली भेगमा सोमबार विहानदेखी बोक्लो हिमपात भएर गाउँसम्म हिउँ जमेकोे प्रहरीले जनाएको छ । ढिलो हिमपात हुने गरेकोले मंसीर पहिलो साता कुञ्चा सर्ने व्यासी समुदाय यो बर्ष छिट्टै कुञ्चा सर्ने तयारीमा छन् । व्यास गाउँपालिका वडा नम्बर १ का व्यासी सौँका समुदाय छ महिना गाउँमा र छ महिना चिसो छल्न सदरमुकाम खलंगामा बसोबास गर्दै आएका छन् । भारी हिमपात भएपछि तिकंरको जनजीवन कष्टकर बनेको छ ।
दार्चुलाको अपिहिमाल गाउँपालिका, व्यास गाउँपालिका, दुहुँ गाउँपालिका, मार्मा गाउँपालिका र नौगाड गाउँपालिकाको उच्च पहाडी र हिमाली क्षेत्रमा हिमपात हुने गरेको छ ।
विगत ११ बर्षदेखि पत्रकारितामा सक्रिय लोकदर्पण मिडियाका संस्थापक/सञ्चालक लोकेन्द्र प्रसाद जोशी सामाजिक, आर्थिक, राजनीतिक लगायत समसामयिक विभिन्न विधामा कलम चलाउछन् ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया