दार्चुला । बैतडीको डिलाशैनी गाउँपालिका वडा नम्बर ४ मठैराजमा विहिबार पाचौं बृहत् साङ्गतिक महोत्सव २०७८ को उद्धाटन भएको छ । आयोजक मठैराज सांस्कृतिक क्लबका अध्यक्ष महेशराज पन्तको अध्यक्षता एबं नेकपा एमाले बैतडीका अध्यक्ष सुरेन्द्र पालको प्रमुख आतिथ्यता र डिलाशैनी गाउँपालिका अध्यक्ष उकेन्द्रबहादुर बोहराको बिशिष्ट आतिथ्यतामा महोत्सब उद्धाटन भएको हो ।
महोत्सबको उद्धाटन समारोहमा कार्यक्रमका प्रमुख अतिथि एबं एमाले बैतडी जिल्ला अध्यक्ष पालले दुई महिना भित्र मठैराजमा गाडी गुडाउने प्रतिबद्धता व्यक्त गर्नुभयो । डिलाशैनीसहित समग्र डिलाशैनी र बैतडीको विकासका लागि नेकपा एमाले प्रतिबद्ध रहेको उहाँको भनाई छ । उहाँले महोत्सब आयोजना गरेकोमा आयोजकलाई धन्यबाद समेत व्यक्त गर्नुभयो ।
कार्यक्रममा स्थानीय भेष भूषा, छलिया नाच, फाग, डुस्को, घुमारी, मठैराज युवा क्लबको बेजोड नृत्य प्रस्तुति संगै स्थानीयदेखि राष्ट्रियस्तरका कलाकारहरूको प्रस्तुति रहने बताइएको छ । महोत्सब सञ्चालनका लागि देश, विदेशबाट सहयोग गर्ने सहयोगी मनहरूलाई विशेष सम्मान गरिने अध्यक्ष पन्तले बताउनुभयो । महोत्सवमा निःशुल्क रूपमा अवलोकन गर्ने व्यवस्था गरिने आयोजकले जनाएको छ ।
मठैराज सांस्कृतिक क्लब २०७१ सालमा दर्ता भएको थियो । उक्त क्लबले विभिन्न सास्कृतिक र सामाजिक कामहरु गर्दै आएको छ ।
विगत ११ बर्षदेखि पत्रकारितामा सक्रिय लोकदर्पण मिडियाका संस्थापक/सञ्चालक लोकेन्द्र प्रसाद जोशी सामाजिक, आर्थिक, राजनीतिक लगायत समसामयिक विभिन्न विधामा कलम चलाउछन् ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया