दार्चुला । दार्चुलाको दोस्रो ठूलो बजार गोकुलेश्वरमा करदाता शिक्षा तथा अन्तरक्रिया कार्यक्रमको आयोजना गरिएको छ । आन्तरिक राजश्व कार्यालय डडेल्धुराको आयोजनामा दशौँ राष्ट्रिय कर दिवस तथा कर सप्ताहको अवसरमा स्वेच्छिक कर सहभागिता अभिबृद्धि, सुशासन विकास र समृद्धि भन्ने नाराका साथ गोकुलेश्वरमा करदाता शिक्षा तथा अन्तरक्रिया कार्यक्रमको आयोजना गरिएको स्थानीय व्यापारी सुरेश श्रेष्ठले जानकारी दिनुभयो ।
शैल्यशिखर नगरपालिका वडा नम्बर ९ गोकुलेश्वरका व्यापार व्यवसायी र अन्य सरोकारवालाहरुको सहभागितामा शनिबार गोकुलेश्वरमा अन्तरक्रिया कार्यक्रम सम्पन्न भएको श्रेष्ठले बताउनुभयो । कार्यक्रममा राजश्व कार्यालय, कर कानुन र आर्थिक अध्यादेश सम्बन्धि जानकारी गराइएको छ । यस्तै प्यान र भ्याट कारोबार तथा कर प्रणाली र प्रक्रिया सम्बन्धि जिज्ञासा सम्बन्धि खुला छलफल र अन्तरक्रिया कार्यक्रम भएको उहाँले बताउनुभयो । कार्यक्रममा आन्तरिक राजश्व कार्यालय डडेल्धुराका कर अधिकृत तिलक राज बोगटी, तिर्थराज बराल लगायतको आतिथ्यता रहेको थियो । मंसिर १ गतेदेखि ७ गतेसम्म देशभर कर सप्ताह सञ्चालनमा छ ।
विगत ११ बर्षदेखि पत्रकारितामा सक्रिय लोकदर्पण मिडियाका संस्थापक/सञ्चालक लोकेन्द्र प्रसाद जोशी सामाजिक, आर्थिक, राजनीतिक लगायत समसामयिक विभिन्न विधामा कलम चलाउछन् ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया