दार्चुला। बुटवल वुद्धनगरबाट शव लिएर रिडीतर्फ जाँदै गरेको बस पाल्पाको रिब्दीकोट गाउँपालिका–२ लघुवामा दुर्घटना हुँदा ७ जनाको मृत्यु भएको स्थानीयले बताएका छन् ।
आज बिहान लु १ ख ७२७९ नम्बरको बस दुर्घटना भएको हो । बसले च्यापिएका तीन ३ जनाको उद्धारमा स्थानीय तथा प्रहरी जुटेको छ ।
बसमा करिब ३५ जना मलामी रहेको बताइएको छ । बसमा सवार ६ जना गम्भीर घाइतेलाई उपचारका लागि तानसेन पुर्याइएको र बाँकीको अवस्था सामान्य रहेको छ ।
दुर्घटनाबारे थप विवरण आउन बाँकी रहेको पाल्पा प्रहरीले जनाएको छ ।
विगत ११ बर्षदेखि पत्रकारितामा सक्रिय लोकदर्पण मिडियाका संस्थापक/सञ्चालक लोकेन्द्र प्रसाद जोशी सामाजिक, आर्थिक, राजनीतिक लगायत समसामयिक विभिन्न विधामा कलम चलाउछन् ।
