दार्चुला । दार्चुलाको व्यास गाउँपालिका वडा नम्बर ४ सुनसेरा बजारबाट अबैध घरेलु मदिरा बरामद गरिएको छ । सुनसेरा प्रहरी चौकीबाट प्रहरी सहायक निरीक्षक हिमान्सु चन्दको नेतृत्वमा खेटिएको गस्ती टोलीले अबैध घरेलु मदिरा बरामद गरेको हो ।
अबैध घरेलु मदिरा बेचबिखन भईरहेको आकंकामा चेकजाँच गर्दा ११० लिटर घरेलु मदिरा बरामद गरिएको प्रहरीले जनाएको छ । जनप्रतिनिधि, स्थानीय र पत्रकारको रोहवरमा बरामद गरिएको मदिरा नष्ट गरी अगामी दिनमा मदिरा राखेको पाइएमा कार्वाही गरिने चेतावनी दिइएको बताइएको छ ।
हराएको बालक फेला
दार्चुलाको महाकाली नगरपालिका वडा नम्बर ४ पुलघाटबाट शनिबार विहान ११ बजेको समयमा तीन बर्षीय प्रियान्सु बम हराएको जानकारी पाएपछि प्रहरीले खोजि गरेको छ । बालक हराएको भनि जिल्ला प्रहरी कार्यालय दार्चुलामा खबर हुनासाथ प्रहरी परिचालन गरेर खोज तलास गर्ने क्रममा निज बालकलाई गल्फै तर्फ जाने सडकमा फेला पारेको जिल्ला प्रहरी कार्यालय दार्चुलाले जनाएको छ । सकुसल फेला परेका प्रियान्सुलाई अभिभावक बोलाई जिम्मा लगाइएको बताइएको छ ।
विगत ११ बर्षदेखि पत्रकारितामा सक्रिय लोकदर्पण मिडियाका संस्थापक/सञ्चालक लोकेन्द्र प्रसाद जोशी सामाजिक, आर्थिक, राजनीतिक लगायत समसामयिक विभिन्न विधामा कलम चलाउछन् ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया