दार्चुला । दार्चुलामा यो सिजनमा मह उत्पादन ५० प्रतिशतले घटेको छ । हिउँदे झरीका कारण यो वर्ष ५० प्रतिशतले मह उत्पादनमा कमी आएको उद्यमी नारायन जोशीले बताउनुभयो । मह संकलन गर्ने समयमा हिउँदे झरीका साथै मौरीमा रोग लागेपछि जिल्लामा मह उत्पादनमा ५० प्रतिशतले कमी आएको उहाँको भनाई छ ।
दार्चुलामा पछिल्लो समय व्यवसायीक मौरिपालन गर्ने किसानको संख्या बढ्दै गएको छ । तर मह उत्पादनमा कमि आएसंगै किसानहरु चिन्तित बनेका छन् । महको बजार राम्रो छ, कृषक गणेश कार्कीले भन्नुभयो, दार्चुलाको मह स्थानीय बजारसंगै तराइका जिल्ला र काठमाण्डौँसम्म पुग्ने गरेको छ । राम्रो मूल्य पाउन थालेपछि कृषकहरु माहुरीपालनमा लगानी बढाउदै गएका छन ।
गत बर्ष जिल्लाभरी मह उत्पादन राम्रो भएपनि यो बर्ष उत्पादनमा कमि आएको कृषि ज्ञानकेन्द्र दार्चुलाले जनाएको छ । विषेश गरी कार्तिक महिनामा मह संकलन गर्ने समयमा निरन्तर हिउँदे झरी पर्दा मौरीमा रोग लागेपछि यो वर्ष मह उत्पादनमा कमी भएको कृषि ज्ञान केन्द्र दार्चुलाका प्रमुख प्रकाश कुमार पन्तले जानकारी दिनुभयो ।
विगत ११ बर्षदेखि पत्रकारितामा सक्रिय लोकदर्पण मिडियाका संस्थापक/सञ्चालक लोकेन्द्र प्रसाद जोशी सामाजिक, आर्थिक, राजनीतिक लगायत समसामयिक विभिन्न विधामा कलम चलाउछन् ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया