दार्चुला । बैतडीमा नाबालिकालाई बलात्कार गरेको आरोपमा प्रहरीले दुई जनालाई पक्राउ गरेको छ । जिल्लाको शिवनाथ गाउँपालिकाकी १४ बर्षीया बालिकालाई बलात्कार गरेको आरोपमा डडेल्धुराको अमरगढी नगरपालिका–५ का २५ बर्षीय महेश तामाङ र २८ बर्षीय गोपाल गुरुङलाई पक्राउ गरिएको जिल्ला प्रहरी कार्यालय बैतडीका प्रवक्ता प्रहरी निरीक्षक दर्शन खड्काले बताउनुभयो ।
उहाँका अनुसार तामाङले बालिकालाई बलात्कार गरेको स्वीकार गरेका छन् । ‘चैत ४ गते साँझ बालिका जंगलमा घास काट्न गएको मौका छोपेर तामाङले बलात्कार गरेको रहेछ,’ उनले भने, ‘गुरुङले सहयोगी भुमिका खेलेको अनुसन्धानबाट खुलेको छ ।’
दुबै जनालाई प्रहरीले चैत ४ गतेनै पक्राउ गरेको थियो । उनीहरु बिरुद्ध जबरजस्ती करणीमा मुद्दा दर्ता भएको छ । अदालतबाट म्याद थपेर अनुसन्धान भईरहेको प्रहरीले जनाएको छ । गुरुङ र तामाङ सडक निर्माणको काम गर्न बैतडी आएका थिए ।
विगत ११ बर्षदेखि पत्रकारितामा सक्रिय लोकदर्पण मिडियाका संस्थापक/सञ्चालक लोकेन्द्र प्रसाद जोशी सामाजिक, आर्थिक, राजनीतिक लगायत समसामयिक विभिन्न विधामा कलम चलाउछन् ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया