दार्चुला । दार्चुलाको लेकम गाउँपालिका वडा नम्बर २ कुणीमा एक चितुवा मृत फेला परेको छ । मरेको चितुवा देखेपछि स्थानीयले प्रहरी र बन कार्यालयलाई खबर गरेका थिए ।
बन डिभिजन कार्यालय दार्चुला, रातामाटा प्रहरी चौकी र लेकमको वडा नम्बर २ का प्रतिनिधिको रहोबरमा चितुवालाई खाडलमा गाडिएको (पुरिएको) छ । लेकमको वडा नम्बर २ का निर्वाचित वडा सदस्य पदमराज जोशीका अनुसार बन कार्यालयको टोलीले घटनास्थलमा पुगेर मुचुल्का तयार गरेपछि मृत चितुवालाई खाडमा गाडीएको हो ।
लेकम गाउँपालिका वडा नम्बर २ मा बेलाबेला चितुवा देखापर्ने गरेको छ । चितुवाले गाइ, बाख्राहरु खाने गरेको भन्दै स्थानीयले गुनासो गर्दै आएका छन् ।
चितुवाको मृत्यु कहिले र कसरी भयो भन्ने खुलेको छैन् । स्थानीयको भनाई अनुसार चितुवा चितुवा बिच भिडन्त भएर मृत्यु भएको हुनसक्ने अनुमान गरिएको छ ।
विगत ११ बर्षदेखि पत्रकारितामा सक्रिय लोकदर्पण मिडियाका संस्थापक/सञ्चालक लोकेन्द्र प्रसाद जोशी सामाजिक, आर्थिक, राजनीतिक लगायत समसामयिक विभिन्न विधामा कलम चलाउछन् ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया