दार्चुला । दार्चुलाको नौगाड गाउँपालिकामा आइतवार आयोजित एमाले र्यालीमा सहभागी एक महिलाको ज्यान गएको छ । नौगाड गाउँपालिका वडा नम्बर ३ गोगनेकी ५० वर्षीया पाना टमटाको मृत्यु भएको प्रहरीले जनाएको छ ।
आइतबार दिउसो एमालेका नेता कार्यकर्ता बाजागाजासहित नौगाड गाउँपालिकाको केन्द्रमा मनोनयन दर्ताका लागि गइरहेका थिए । छलिया बाजामा नाचिरहेकी टमटाको नौगाड–२ सुन्डमुन्डमा मृत्यु भएको हो । ‘टमटा छलिया बाजासँगै नाचिरहेकी रहेछिन्, एक्कासी ढलेपछि बेहोस भइन्,’ खार स्वास्थ्य चौकीका इन्चार्ज गोबिन्द ठगुन्नाले भन्नुभयो, ‘अस्पताल पुगाउँदा उहाँको स्वासप्रश्वासनै बन्द भैसकेको थियो ।’ स्थानीयका अनुसार उनलाई प्युठोमा बोकेर एक घण्टा टाढाको स्वास्थ्य चौकीमा पुर्याइएको थियो ।
जिल्ला प्रहरी कार्यालय दार्चुलाका इन्सपेक्टर ध्रुब बिष्टले केही दिनदेखि बिरामी अवस्थामा रहेकी टमटाको अचानक मृत्यु भएको खबर आएको तर उनी र्यालीमा सहभागि भए नभएकोबारे जानकारी नभएको बताउनुभयो । नौगाडमा एमालेको तर्फबाट अध्यक्षमा प्रेमसिंह धामी, उपाध्यक्षमा गौरीदेबि ठगुन्ना लगायत सबै वडाका उम्मेदवारले आइतबार उम्मेदवारी मनोनयन दर्ता गराएका छन् ।
विगत ११ बर्षदेखि पत्रकारितामा सक्रिय लोकदर्पण मिडियाका संस्थापक/सञ्चालक लोकेन्द्र प्रसाद जोशी सामाजिक, आर्थिक, राजनीतिक लगायत समसामयिक विभिन्न विधामा कलम चलाउछन् ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया