दार्चुला । दार्चुलाको लेकम गाउँपालिका अध्यक्षमा दुई स्वतन्त्रसहित पाँच जनाको उम्मेदवारी मनोनयन दर्ता भएको छ ।
नेकपा एमालेको तर्फबाट परमानन्द जोशी, सत्तागठन्धनबाट माओवादीका रामदत्त जोशी, नेकपा (एकीकृत समाजवादी) बाट नरेन्द्र रावल र स्वतन्त्रबाट ईन्द्र साउद र दयालु नाथको उम्मेदवारी परेको हो । एमालेका जोशीले आइतबार मनोनयन दर्ता गराउनुभयो भने अरू चार जनाले सोमबार मनोनयन दर्ता गराउनुभएको हो ।
स्वतन्त्रमा उम्मेदवारी दिएका साउँद नेपाली कांग्रेशका युवा नेता हुन् । उहाँले कांग्रेशको तर्फबाट गाउँपालिका अध्यक्षमा दाबी गर्दै आउनुभएको थियो । गठबन्धनपछि माओबादीको भागमा अध्यक्ष परेपछि साउदले पार्टी निर्णयप्रति विद्रोह गर्दै स्वतन्त्र उम्मेदवारी दिएको बताइएको छ ।
गाउँपालिका उपाध्यक्षमा एमालेका माधवी जोशी, गठबन्धनबाट कांग्रेसका सुना जोशी र स्वतन्त्रबाट अनिता धामीले उम्मेदवारी दिएको निर्वाचन अधिकृतको कार्यालयले जनाएको छ ।
विगत ११ बर्षदेखि पत्रकारितामा सक्रिय लोकदर्पण मिडियाका संस्थापक/सञ्चालक लोकेन्द्र प्रसाद जोशी सामाजिक, आर्थिक, राजनीतिक लगायत समसामयिक विभिन्न विधामा कलम चलाउछन् ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया