दार्चुला । दार्चुलाको लेकम गाउँपालिका अध्यक्ष पदमा उम्मेदवारी मनोनयन दर्ता गराउनुभएका ईन्द्र सिंह साउदले उम्मेदवारी फिर्ता लिनुभएको छ । निर्वाचन अधिकृतको कार्यालय रातामाटा पुगेर कांग्रेश निकट नेबिसंघका नेता समेत रहनुभएका साउदले शुक्रबार (आज) अपरान्ह सवा चार बजे उम्मेदवारी फिर्ता लिनुभएको हो ।
दार्चुलाको लेकम गाउँपालिका अध्यक्षमा दुई स्वतन्त्रसहित पाँच जनाको उम्मेदवारी मनोनयन दर्ता भएको थियो । नेकपा एमालेको तर्फबाट परमानन्द जोशी, सत्तागठन्धनबाट माओवादीका रामदत्त जोशी, नेकपा (एकीकृत समाजवादी) बाट नरेन्द्र रावल र स्वतन्त्रबाट ईन्द्र साउद र दयालु नाथको उम्मेदवारी परेको थियो । स्वतन्त्र उम्मेदवार साउदले उम्मेदवारी फिर्ता लिइसकेको बताएका छन् ।
गाउँपालिका उपाध्यक्षमा एमालेका माधवी जोशी, गठबन्धनबाट कांग्रेसका सुना जोशी र स्वतन्त्रबाट अनिता धामीले उम्मेदवारी दिएकोमा स्वतन्त्र उम्मेदवार धामीले उम्मेदवारी फिर्ता गरेसंगै उपाध्यक्षमा जोशीद्धयको प्रतिस्पर्धा हुने भएको छ ।
लेकम गाउँपालिका वडा नम्बर ५ को वडाअध्यक्षपदमा राप्रपाबाट उम्मेदवारी मनोनयन दर्ता गराउनुभएका कम्मानसिंह बोहराले पनि उम्मेदवारी फिर्ता लिएको निर्वाचन अधिकृतको कार्यालयले जनाएको छ । शुक्रबार आज विहान १० बजेदेखि बेलुकी ५ बजेसम्म उम्मेदवारी फिर्ताको समय थियो । *यसअघि प्रकाशित समाचारमा गलत सूचनाका कारण स्वतन्त्र उम्मेदवार दयालु नाथले पनि उम्मेदवारी फिर्ता लिएको भएकोमा सच्याइएको छ ।
विगत ११ बर्षदेखि पत्रकारितामा सक्रिय लोकदर्पण मिडियाका संस्थापक/सञ्चालक लोकेन्द्र प्रसाद जोशी सामाजिक, आर्थिक, राजनीतिक लगायत समसामयिक विभिन्न विधामा कलम चलाउछन् ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया