दार्चुला । गोकुलेश्वरबाट दार्चुला जादै गरेको जीप दुर्घटना भएको छ । शैल्यशिखर नगरपालिका वडा नम्बर ६ उल्लानीमा जीप दुर्घटना हुँदा घटनास्थलमै कम्तिमा पाँच जनाको ज्यान गएको प्रारम्भीक खबर प्राप्त भएको छ । यद्धपी मृतकबारे आधिकारिक पुष्टि हुन बाँकी रहेको छ ।
गोकुलेश्वरबाट दार्चुला जादै गरेको से १ ज ५५१ नम्बरको जीप दुर्घटनामा परेको बताइएको छ । अहिले मालिकार्जुन प्रहरी चौकीबाट प्रहरी घटनास्थलमा पुगेका छन भने गोकुलेश्वरबाट प्रहरी घटनास्थलमा प्रस्थान गरेको छ । उद्धारको कार्य चलिरहेकोले घटनाको क्षतिबारे एकिन विवरण प्राप्त भइनसकेको जिल्ला प्रहरी कार्यालय दार्चुलाले जनाएको छ ।
प्रतक्षदर्शीहरुका अनुसार एक महिलासहित पाँच जनाको मृत्यु भएको छ भने पाँच जना घाइते भएका छन् । दुर्घटनाबारे थप विवरण प्राप्त हुने क्रममा रहेको छ ।
तस्बिर सौजन्य: पत्रकार गणेशसिंह धामी
विगत ११ बर्षदेखि पत्रकारितामा सक्रिय लोकदर्पण मिडियाका संस्थापक/सञ्चालक लोकेन्द्र प्रसाद जोशी सामाजिक, आर्थिक, राजनीतिक लगायत समसामयिक विभिन्न विधामा कलम चलाउछन् ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया