दार्चुला । दार्चुलाको जिल्ला सदरमुकाम खलंगा महाकाली नगरपालिका–४ राधाकृष्ण चोकस्थित भट्ट जनरल स्टोरमा आगलागी हुँदा ठूलो क्षति भएको छ । बुधबार राती ९ बजेतिर भएको आगलागिबाट पसलमा भएका सबै सामानहरु जलेर ८५ लाखको क्षति भएको घरधनी तथा पसल सञ्चालक ललित प्रसाद भट्टले जानकारी दिनुभयो । उहाँका अनुसार आगलागीबाट ७५ लाख बराबरको किराना समान, ५ लाख बराबरको फर्निचर र ५ लाख नगद पैसा जलेर नष्ट भएको हो ।
जिल्ला प्रहरी कार्यालय दार्चुलाका अनुसार विद्युतको लाइन सट भएर पसलमा आगलागी भएको हो । नेपाल विद्युत प्राधिकरण दार्चुला वितरण केन्द्रले अहिले बजार क्षेत्रमा करेन्ट लागेर हुने दुर्घटना कम गर्न एबिसी केवल जडान गरिरहेको जनाएको छ । लाइन जडानकै क्रममा हिजो मात्रै सोही आगलागी भएको घरमा विद्युतका कर्मचारीहरुले लाइन जडान गरिदिएको ललित भट्टका छोरा सुरेश भट्टले बताउनुभयो ।
दमकल, सुरक्षाकर्मी र स्थानीयले करिव १ घण्टा पछि आगो नियन्त्रणमा लिएका थिए । पसलको सबै सामान जलेर नष्ट भएपछि मात्रै आगलागी नियन्त्रणमा आएको भट्टले बताउनुभयो ।
विगत ११ बर्षदेखि पत्रकारितामा सक्रिय लोकदर्पण मिडियाका संस्थापक/सञ्चालक लोकेन्द्र प्रसाद जोशी सामाजिक, आर्थिक, राजनीतिक लगायत समसामयिक विभिन्न विधामा कलम चलाउछन् ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया