दार्चुला । लेकम गाउँपालिकामा प्रशासकीय भवन निर्माणको काम निकै ढिला गरी सुरु भइरहेको छ । पछिल्ला दिनहरुमा भवन निर्माणका लागि जग तयार गर्ने काम (जमिन सम्याउने काम) भइरहेको बताइएको छ ।
ढिलै भएपनि प्रशासकीय भवन बनाउने काम द्रुत गतिमा अगाडी बढेको लेकम गाउँपालिका अध्यक्ष रामदत्त जोशीले जानकारी दिनुभयो । स्थानीयले भने भवन निर्माणमा ढिलाइ भइरहेको भन्दै द्रुत गतिमा निरन्तर निर्माण कार्य गर्न माग गरेका छन् । आफ्नै प्रशासकीय अभावमा कार्यालय सञ्चालन गर्न प्रयाप्त ठाउँ समेत नहुदा सेवा प्रवाह प्रभावित हुने गरेको छ ।
हालसम्म आफ्नै प्रशासकीय भवन निर्माण नहुदा लेकम गाउँपालिकाको कामकाज हुनैनाथ माबि रातामाटाको भवनबाट हुँदै आएको छ । गाउँपालिकाको केन्द्र रातामाटाबाट काम सुरु गर्नुभन्दा पहिले चार बर्ष गाउँपालिकाको अस्थाई केन्द्र खरकडाबाट सेवा प्रवाह गरिएको थियो । विभिन्न कारण र बाहानामा प्रशासनकीय भवन निर्माणमा ढिलाइ गरिदै आएको स्थानीयको गुनासो छ ।
विगत ११ बर्षदेखि पत्रकारितामा सक्रिय लोकदर्पण मिडियाका संस्थापक/सञ्चालक लोकेन्द्र प्रसाद जोशी सामाजिक, आर्थिक, राजनीतिक लगायत समसामयिक विभिन्न विधामा कलम चलाउछन् ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया