दार्चुला । दार्चुलाको लेकम गाउँपालिकाको प्रमुख प्रशासकीय अधिकृतको जिम्मेवारी अधिकृत छैटौँ शेखरचन्द्र ओझालाई दिने निर्णय गरिएको छ । लेकम गाउँपालिका गाउँकार्यपालिकाको बैठकले ओझालाई निमित्त प्रमुख प्रशासकीय अधिकृतको जिम्मेवारी दिने निर्णय गरेको हो ।
लेकम गाउँपालिकामा लामो समयदेखि प्रमुख प्रशासकीय अधिकृत नहुँदा निमित्त प्रमुख प्रशासकीय अधिकृतले आर्थिक र प्रशासकीक काम गर्दै आउनुभएको छ । यसअघि अधिकृत नारायणदत्त भट्टलाई निमित्त प्रमुख प्रशासकीय अधिकृतको जिम्मेवारी दिइएकोमा कार्यसम्पादन मूल्याङकन सन्तोषजनक नभएको भन्दै निमित्तको जिम्मेवारी ओझालाई दिने निर्णय गरिएको लेकम गाउँपालिकाका प्रवक्ता सुरेशसिंह थापाले जानकारी दिनुभयो ।
ओझालाई प्रमुख प्रशासकीय अधिकृतको रुपमा कामकाज गर्न संघीय मामिला मन्त्रालयबाट स्वीकृती माग गरिएको छ । आजको कार्यपालिका बैठकमा विभिन्न ३१ एजेण्डामा छलफल गर्ने कार्यतालिका रहेको थियो । निमित्त प्रमुख प्रशासकीय अधिकृत फेर्ने निर्णय भएसंगै पूर्व निमित्त प्रमुख प्रशासकीय अधिकृत भट्ट विदामा बसेको लेकम गाउँपालिकाले जनाएको छ ।
विगत ११ बर्षदेखि पत्रकारितामा सक्रिय लोकदर्पण मिडियाका संस्थापक/सञ्चालक लोकेन्द्र प्रसाद जोशी सामाजिक, आर्थिक, राजनीतिक लगायत समसामयिक विभिन्न विधामा कलम चलाउछन् ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया