दार्चुला । दार्चुलाको नौगाड गाउँपालिकामा ग्यास लिक भइ आगलागी हुदा घाइते भएका नौगाड गाउपालिका-३ जामिर बस्ने अन्दाजी ८० वर्षका अमर सिंह ठगुन्नाको थप उपचारका लागि हेलिकप्टरमार्फत उद्दार गरि काठमाडौं लगिएको छ ।
आज दिउँसो २ बजे नेपाली सेनाकाे हेलिकप्टरमार्फत दार्चुलाको गोकुलेश्वर अस्पतालबाट काठमाडौं लगिएको हो । ठगुन्ना बुधबार (आज) बिहान साढे छ बजे ग्यासमा चिया पकाउने क्रममा ग्यास लिग भएर जलेर घाइते भएको खबर प्राप्त भएको जिल्ला प्रहरी कार्यालय दार्चुलाका प्रहरी निरीक्षक एबं सूचना अधिकारी ज्ञानेन्द्रबहादुर सिंहले जानकारी दिनुभयो ।
घरमा समेत आगलागी भएको र स्थानीयको सहयोगमा आगो निभाइएको थियो । घाइते ठगुन्नाको स्वास्थ्य अवस्था मध्यम रहेको बताइएको छ ।
विगत ११ बर्षदेखि पत्रकारितामा सक्रिय लोकदर्पण मिडियाका संस्थापक/सञ्चालक लोकेन्द्र प्रसाद जोशी सामाजिक, आर्थिक, राजनीतिक लगायत समसामयिक विभिन्न विधामा कलम चलाउछन् ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया