दार्चुला । वीरेन्द्रनगर नगरपालिका वडा नम्बर ३ का वडाअध्यक्ष विनोदसिंह विष्ट पक्राउ परेका छन् । आइतबार वीरेन्द्रनगर नगरपालिकाको कार्यालयबाट उनी पक्राउ परेका हुन् ।
बिहीबार वडाध्यक्ष विष्टसहित सुशील गुरुङ, बलिराज शाहीले खोर्के खोला तटबन्धन उपभोक्ता समितिको साढे ६ लाख रूपैयाँ लुटेर लगेको भनी उपभोक्ताका समितिका सदस्यले प्रहरीमा जाहेरी दिएका थिए ।
गुरुङ र शाहीलाई भने प्रहरीले शुक्रबार नै पक्राउ गरेको थियो । उनीहरूले वडाध्यक्ष विष्टलाई दुई लाख दिएको स्वीकारेपछि विष्टलाई पनि पक्राउ गरिएको प्रहरीले बताएको छ । वडाध्यक्षले भने आफूमाथि लागेको आरोप झूटो भएको बताउँदै आएका थिए ।
उनीमाथि थप अनुसन्धान भइरहेको जिल्ला प्रहरी कार्यालय सुर्खेतका डीएसपी लक्ष्मणबहादुर शाहीले बताउनुभयो ।
विगत ११ बर्षदेखि पत्रकारितामा सक्रिय लोकदर्पण मिडियाका संस्थापक/सञ्चालक लोकेन्द्र प्रसाद जोशी सामाजिक, आर्थिक, राजनीतिक लगायत समसामयिक विभिन्न विधामा कलम चलाउछन् ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया