दार्चुला । दार्चुलामा एक जनामा कालाजार देखिएको छ । जिल्लाको शैल्यशिखर नगरपालिका वडा नम्बर ९ नायलका ५० वर्षीय पुरुषमा आज (आइतबार) कालाजार देखिएको हो । गोकुलेश्वर अस्पतालमा उपचारका लागि आएका पुरुषमा कालाजार देखिएपछि थप उपचारका लागि जिल्ला अस्पताल दार्चुलामा पठाएको गोकुलेश्वर अस्पतालले जनाएको छ ।
गएको फागुनमा पनि ती पुरुषलाई कालाजार देखिएको थियो । त्यसपछि उपचारका लागि धनगढी पठाएपछि निको भएका उनमा अहिले फेरि कालाजार देखिएको जिल्ला अस्पताल दार्चुलाका सूचना अधिकारी राजेश भट्टले बताउनुभयो ।
संक्रमित भुसुनाले मानिसलाई टोक्दा कालाजार रोग लाग्ने गर्दछ । जीउ कालो हुँदै जाने, दुई हप्ताभन्दा बढी समय ज्वरो आउने, भुँडी सुन्निएर बायाँतर्फ सर्दै जाने तथा बिरामी कमजोर हुँदै जानु कालाजारका लक्षणहरु हुन् ।
विगत ११ बर्षदेखि पत्रकारितामा सक्रिय लोकदर्पण मिडियाका संस्थापक/सञ्चालक लोकेन्द्र प्रसाद जोशी सामाजिक, आर्थिक, राजनीतिक लगायत समसामयिक विभिन्न विधामा कलम चलाउछन् ।
यो खबर पढेर तपाईलाई कस्तो महसुस भयो ?
प्रतिक्रिया
भर्खरै प्रकाशित
