दार्चुला । भारतले अतिक्रमण गरेको नेपाली भूमि कालापानी क्षेत्रमा एक नेपाली युवकको ज्यान गएको छ । नौगाड गाउँपालिका वडा नम्बर ३ दल्लेखका १९ वर्षीय विनोद सिंह ठगुन्नाको कालापानी क्षेत्रमा मृत्यु भएको हो ।
पारिवारिक स्रोतका अनुसार मृतक ठगुन्ना भारतीय व्यवसायीको भेडाबाख्रा चराउन अतिक्रमित नेपाली भूमि कालापानी गएका थिए । भेडाबाख्रा चराउन लेकाली फाँटमा गएका ठगुन्ना मंगलबार साँझसम्म बासस्थानमा नफर्किएपछि कालापानीमा रहेका एसएसबी र आइटिबीपीका सुरक्षाकर्मीहरु र अन्य भेडाबाख्रा चराउनेहरुले खोजी गरेको बताइएको छ । सुरक्षा स्रोतका अनुसार उनी मंगलबार राति २ बजे मृत भेटिएका थिए ।
ठगुन्नाको संकास्पद मृत्यु भएपछि उनका बुबा अंगवीरसिंह ठगुन्ना र आफन्त घटनाको खबर पाएलगत्तै बुधबार बिहान घटनास्थलतर्फ गएको बताइएको छ । भारतको गुञ्जीमा रेहको उत्तराखण्ड प्रहरीले ठगुन्नाको शव आफ्नो जिम्मामा रहेको बताएको छ ।
मृतक ठगुन्नाले एक वर्षदेखि एकजना भारतीय व्यवसायीको दुई सयभन्दा भेडाबाख्राहरु चराउने कार्य गर्दै आएका थिए । नेपाल प्रहरीले भने घटनाबारे विस्तृत विवरण प्राप्त नभएको बताएको छ ।
विगत ११ बर्षदेखि पत्रकारितामा सक्रिय लोकदर्पण मिडियाका संस्थापक/सञ्चालक लोकेन्द्र प्रसाद जोशी सामाजिक, आर्थिक, राजनीतिक लगायत समसामयिक विभिन्न विधामा कलम चलाउछन् ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया