दार्चुला । गोकुलेश्वरबाट दुई जना छुट्टाछुट्टै घटनाका गम्भीर घाइतेको हेलिकोप्टरमार्फत उद्धार गरिएको छ । करेन्ट लागेर गम्भीर घाइते भएकी बैतडी डिलाशैनीकी एक महिलाको र घरको छतबाट खसेर गम्भीर घाइते भएका दार्चुलाको शैल्यशिखरका एक बालकको नेपाली सेनाको हेलिकोप्टरमार्फत सोमबार (आज) उद्धार गरिएको हो ।
डिलाशैनी गाउँपालिका—६ बङगाबगरकी ४० वर्षीया कलावती नाथ करेन्ट लागेर घाइते हुनुभएको थियो । शैल्यशिखर नगरपालिका—१ बलाचका लोकेन्द्र खडायतको ५ वर्षीय छोरा आरुष खडायत घरको छटबाट खसेर गम्भीर घाइते हुनुभएको थियो । दुबै जनाको नेपाली सेनाको हेलिकोप्टरमार्फत उद्धार गरि उपचारका लागि नेपालगञ्ज लगिएको स्थानीय राजेश बिष्टले बताउनुभयो । नाथ करिब साढे १२ बजेतिर बङगाबगरबाट घाँस काटेर घर फर्कने बेला विद्युतको हाइटेन्सन तारमा घाँसको भारी लाग्दा करेन्ट लागेर गम्भीर घाइते हुनुभएको थियो । करेन्ट लागेर नाथको शरिर जलेको छ । घरको छतबाट खसेर गम्भीर घाइते भएका आरुषको बाँया हात, मुख र टाउँकोमा गम्भीर चोट लागेको गोकुलेश्वर अस्पतालले जनाएको छ ।
गोकुलेश्वर अस्पतालमा सामान्य उपचारपछि दुबै जनालाई नेपाली सेनाको हेलिकोप्टर मार्फत नेपालगञ्ज लगिएको बताइएको छ ।
विगत ११ बर्षदेखि पत्रकारितामा सक्रिय लोकदर्पण मिडियाका संस्थापक/सञ्चालक लोकेन्द्र प्रसाद जोशी सामाजिक, आर्थिक, राजनीतिक लगायत समसामयिक विभिन्न विधामा कलम चलाउछन् ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया