दार्चुला । भारतमा एक नेपाली युवकको गोली हानि हत्या गरिएको छ । रौतहट जिल्लाका एक जना युवकमाथि भारत विहारको रामगढवा बजारमा गोली प्रहार गरी हत्या गरिएको हो।
भारतको रक्सौलबाट करिब १३ किलोमिटर मोतीहारी जाने मुलसडकको रामगढ्वामा मंगलबार गौर नगरपालिका–९ का ४० वर्षीय दिलीप सिंहमाथि अज्ञात समूहले छातीमा गोली प्रहार गरी हत्या गरेको बताइएको छ ।
उनको साथमा रहेको २९ लाख भारतीय रुपैयाँ समेत लुटेरासमूहले लुटेर फरार भएका छन्। लुटेरा समूहले प्रयोग गरेको विआर २९ जी ७८५१ नम्बरको बोलेरो जीप भारतीय प्रहरीले घटनास्थलबाट बरामद गरेको र थप अनुसन्धान भइरहेको भारतीय प्रहरीले जनाएको छ।
रौतहटका प्रहरी प्रवक्ता डिएसपी दामोदर केसीले घटनाको पुष्टि गर्दै मृतकको शव मंगलबार साँझ परिवारलाई जिम्मा लगाइसकेको र भारतीय प्रहरीले घटनाको अनुसन्धान गरिरहेको बताएका छन्।
विगत ११ बर्षदेखि पत्रकारितामा सक्रिय लोकदर्पण मिडियाका संस्थापक/सञ्चालक लोकेन्द्र प्रसाद जोशी सामाजिक, आर्थिक, राजनीतिक लगायत समसामयिक विभिन्न विधामा कलम चलाउछन् ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया