दार्चुला । जाजरकोट भूकम्पमा परी मृत्यु हुनेको संख्या १५७ पुगेको छ, ३७५ जना घाइते भएका छन् । गृह मन्त्रालका अनुसार शनिबार साँझसम्म प्राप्त विवरण अनुसार जाजरकोटमा १०५ र रुकुम पश्चिममा ५२ जनाको मृत्यु भएको हो । हजारौं घर लगायत भौतिक संरचनाहरूमा क्षति पुगेको छ । मृत्यु हुनेमा उपमेयर सरिता सिंह लगायत बालकदेखि बृद्धअबश्थाका मानिसहरू समेत छन् ।
सामान्य घाइतेहरुको स्थानीय तथा जिल्ला अस्पतालमा भइरहेको छ भने गम्भीर घाइतेहरुलाई हवाई उद्धार गरी काठमाडौं, सुर्खेत र नेपालगञ्जमा उपचार गरिएको छ । काठमाडौंको त्रिवि शिक्षण अस्पतालमा ७ जनाको उपचार भइरहेको छ ।
जाजरकोटको बारेकोट गाउँपालिका–१ केन्द्रबिन्दु भएर शुक्रबार राति ११ः४७ मा गएको ६.४ रेक्टर स्केलको भूकम्पका कारण कति घर क्षति भयो भन्ने विषयमा सरकारको आधिकारिक सूचना दिएको छैन ।
उद्दारको काम भइरहेको छ । अहिलेसम्म नेपाल सरकार, प्रदेश सरकार, स्थानीय तहहरू, राजनीतिक दल, मित्र राष्ट्र र विभिन्न संघसंगठनले राहत दिने घोषणा गरेका छन्। भुकम्प प्रभावित क्षेत्रमा तत्काल उद्दार र राहत आवश्यक रहेको स्थानीय सञ्चारकर्मीहरूले खबर पठाएका छन् ।
विगत ११ बर्षदेखि पत्रकारितामा सक्रिय लोकदर्पण मिडियाका संस्थापक/सञ्चालक लोकेन्द्र प्रसाद जोशी सामाजिक, आर्थिक, राजनीतिक लगायत समसामयिक विभिन्न विधामा कलम चलाउछन् ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया