दार्चुला । दाङमा शिकारीको गोली लागेर सशस्त्र प्रहरी जवानको मृत्यु भएको छ । सशस्त्र प्रहरी बल २८ नम्बर गणमा कार्यरत घोराही ७ हनर्याका जुगरू चौधरीको जनसेवा सामुदायिक वनमा शिकारीले चलाएको गोली लागेर मृत्यु भएको दाङ प्रहरी प्रमुख एसपी रामबहादुर केसीले बताउनुभयो ।
प्रहरी अनुसार चौधरी कार्तिक २३ गते बिहान जंगलमा गोली लागेर मृत्यु भएको अवस्थामा फेला परेका थिए । उनको छाती ५ ठाउँ र पिठ्युमा एउटा गरी ६ वटा भरूवा बन्दुकको छर्रा लागेको छ ।
उनलाई गोली हानेको अभियोगमा घोराही ५ बराला बोटका ५५ वर्षिय शेरबहादुर केसीलाई गएराति १ बजे भरूवा बन्दुक सहित प्रहरीले पक्राउ गरेका छन् । पक्राउ परेका केसीले मालुको बोटमा गुना बसेको ठानेर आफूले गोली हानेको बयान प्रहरीलाई दिएका छन् ।
प्रहरीका अनुसार सशस्त्र प्रहरी जवान बिदामा घर आएका बेला मालुको पात टिप्न जंगल गएका थिए । घटनाका बारेमा थप अनुसन्धान भइरहेको प्रहरीले जनाएको छ ।
विगत ११ बर्षदेखि पत्रकारितामा सक्रिय लोकदर्पण मिडियाका संस्थापक/सञ्चालक लोकेन्द्र प्रसाद जोशी सामाजिक, आर्थिक, राजनीतिक लगायत समसामयिक विभिन्न विधामा कलम चलाउछन् ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया