दार्चुला । इजरायलमा हमास समुहको आक्रमणमा मारिएका मालिकार्जुन गाउँपालिका वडा नम्बर ४ का लोकेन्द्रसिंह धामीकी धर्मपत्नी मञ्जु खत्री मालिकार्जुन गाउँपालिकाको कार्यालय सहयोगी पदमा सिफारिस हुनुभएको छ ।
पढ्दै कमाउदै कार्यक्रम अन्तरगत इजरायल गएको एक महिना नबित्दै बिद्रोही प्यालेष्टाइनी हमास समुहको आक्रमणमा परि मालिकार्जुनका लोकेन्द्र धामीसहित १० जना नेपाली विद्यार्थीले ज्यान गुमाएका थिए । इजरायलमा ज्यान गुमाएका धामीकी धर्मपत्नी मन्जु खत्री मालिकार्जुन गाउँपालिकाद्वारा खोलिएको कार्यालय सहयोगी पदको बिज्ञापनमा उत्तीर्ण भै नियुक्तिको लागि सिफारिस हुनुभएको हो ।
मालिकार्जुन गाउँपालिकाले पीडित धामी परिवारलाई राहत उपलब्ध गराउने प्रतिवद्धता गरेको थियो । गाउँपालिकाले मंसिर १ गते प्रकाशन गरेको कार्यालय सहयोगी पदको विज्ञापन अन्तरगत मंसिर ८ गते शुक्रबार (आज) अन्तरवार्ता भएको थियो । अन्तरवार्तामा सफल उम्मेदवार मञ्जु खत्रीलाई कार्यालय सहयोगी पदमा सिफारिस गरिएको गाउँपालिकाले जनाएको छ ।
विगत ११ बर्षदेखि पत्रकारितामा सक्रिय लोकदर्पण मिडियाका संस्थापक/सञ्चालक लोकेन्द्र प्रसाद जोशी सामाजिक, आर्थिक, राजनीतिक लगायत समसामयिक विभिन्न विधामा कलम चलाउछन् ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया