दार्चुला । मोरङको विराटनगर सात घुम्तीमा गोदाममा आगलागी हुँदा २ जनाको मृत्यु भएको छ।
बुधवार दिउँसो विराटनगरस्थित सातघुम्तीमा रहेको एउटा कवाडी गोदाममा आगलागी हुँदा विराटनगर-७ का ३० वर्षीय दिपक मण्डलको घटनास्थलमै र अर्का एकजनाको उपचारका क्रममा न्युरो अस्पतालमा मृत्यु भएको मोरङ प्रहरी प्रवक्ता डिएसपी रन्जनकुमार दाहालले जानकारी दिनुभयो।
शरीरको पूरै भाग जलेकाले मृतकको पहिचान हुन नसकेको प्रहरीले जनाएको छ। आगलागीमा परेका अन्य ४ जना सिकिस्त छन्।
आगलागीमा घाइते अन्य ४ जना सुशिला पासमान, रिता सरदार र पिंकी मण्डलको न्यूरो अस्पतालमा उपचार भइरहेको छ भने किशोर पासमानको कोशी अस्पतालमा उपचार भइरहेको छ । घाइतेमध्ये दुइर्को अवस्था गम्भीर रहेको प्रहरीले जनाएको छ ।
करिब २ घण्टा पछि नेपाल प्रहरी, सशस्त्र प्रहरी र स्थानीयका साथै विराटनगर महानगरपालिकाको दुई वटा, दुहबी र सुन्दर हरैचाको एक एक गरी ४ वटा दमकलले आगो नियन्त्रणमा लिएको थियो ।
दिउँसो करिब डेढ बजे परफ्युमको बट्टा फुटाल्ने क्रममा गोदाममा आगलागी भएको कवाडीमा काम गरिरहेका कामदारहरूले जनाएका छन् ।
विगत ११ बर्षदेखि पत्रकारितामा सक्रिय लोकदर्पण मिडियाका संस्थापक/सञ्चालक लोकेन्द्र प्रसाद जोशी सामाजिक, आर्थिक, राजनीतिक लगायत समसामयिक विभिन्न विधामा कलम चलाउछन् ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया