दार्चुला । रुकुम पश्चिममा ट्रयाक्टर दुर्घटना हुँदा पाँचजनाको मृत्यु भएको छ । दुर्घटनामा जिल्लाको आठबीसकोट नगरपालिका वडा नम्बर १० नाउलाका ४६ वर्षीय लोकबहादुर शाही र उनकी श्रीमती ४२ वर्षीया लुकी शाही, सोही वडाको डाँडाका ५२ वर्षीय भर्दर सार्की तथा सार्कीडाँडाका ४८ वर्षीय धनराम सार्की र ४७ वर्षीया निर्मला सार्कीको मृत्यु भएको प्रहरीले जनाएको छ ।
बुधबार राति रुकुम पश्चिम आठबीसकोट नगरपालिका–१० पिरिकोटबाट घर्तीगाउँ जाँदै गरेको भूकम्पपीडितका लागि जस्ता पाता बोकेको रा १ त १४ नम्बरको ट्रयाक्टर घुम्तीमा मोड्न खोज्दा दुर्घटना भएको आठबीसकोट इलाका प्रहरी कार्यालयले जनाएको छ ।
दुर्घटनामा ९ जना घाइते भएका छन् । उनीहरुको नगर अस्पतालमा उपचार भइरहेको छ । ट्रयाक्टरका चालक आठबीसकोट– ९ का गोपाल विक फरार रहेका छन् । फरार विकको खोजी भइरहेको प्रहरीले जनाएको छ ।
विगत ११ बर्षदेखि पत्रकारितामा सक्रिय लोकदर्पण मिडियाका संस्थापक/सञ्चालक लोकेन्द्र प्रसाद जोशी सामाजिक, आर्थिक, राजनीतिक लगायत समसामयिक विभिन्न विधामा कलम चलाउछन् ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया