दार्चुला । राधा माधव समिति अन्तरगतको डिभाइन युथ क्लव दार्चुला शाखाले विद्यार्थीलाई न्यानो वस्त्र वितरण गरेको छ । बिहिवार महाकाली नगरपालिका वडा नम्वर ५ मा रहेको जनप्रिय आधारभुत विद्यालय १–८ का विद्यार्थीलाई न्यानो वस्त्र (टोपी र स्वीटर) बितरण गरिएको राधा माधव समिति दार्चुलाका अध्यक्ष नरेन्द्र राज बडूले जानकारी दिनुभयो ।
महाकाली नगरपालिकाका नगर प्रमुख नरसिंह चैसिर र उप प्रमुख दुर्गा कुमारी खत्री विष्टको उपस्थितिमा विद्यालयका ६९ जना विद्यार्थीलाई वस्त्र वितरण गरिएको हो । डिभाइन युथ क्लब नेपाल जगतगुरु कृपालुजि महाराजका नेपाली प्रचारक स्वामी हरिदास जि महाराजले २०६९ सालमा स्थापना गरेको गैरसरकारी, गैरराजनीतिक एवं गैरनाफामुलक संस्था रहेको बडूले बताउनुभयो । देशभरिका युवा, विद्यार्थीलाई संगठित गरेर आत्मज्ञान संगै आध्यात्मिक जागरण गर्ने उद्देश्य राखेको क्लवले सामाजिक सेवाका काम गरिरहेको अध्यक्ष बडूले बताउनुभयो ।
गतवर्ष महाकाली नगरपालिका वडा नम्बर २ का दुइटा विद्यालयमा न्यानो वस्त्र वितरण गरिएको थियो ।
विगत ११ बर्षदेखि पत्रकारितामा सक्रिय लोकदर्पण मिडियाका संस्थापक/सञ्चालक लोकेन्द्र प्रसाद जोशी सामाजिक, आर्थिक, राजनीतिक लगायत समसामयिक विभिन्न विधामा कलम चलाउछन् ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया