दार्चुला । दार्चुलाको शैल्यशिखर नगरपालिका स्तरीय चौथो राष्ट्रपति रनिङ शिल्ड प्रतियोगिता २०८० सम्पन्न भएको छ ।
आज सम्पन्न भएको प्रतियोगिताको उपाधी गलैनाथ मावि झरकाँडाले हात पारेको छ । प्रतियोगितामा सत्यप्रकाश मावि देथला दोस्रो र कृष्ण मावि बालाँचले तेस्रो स्थान प्राप्त गरेका छन् । गोकुलेश्वर मावि गोकुलेले सान्त्वना (चौथो) स्थान प्राप्त गरेको कार्यक्रमका उद्घोषक मनोरथ बिष्टले बताउनुभयो ।
शैल्यशिखर नगरपालिका स्तरीय खेलकुद समितिका सभापति महेश भण्डारीको अध्यक्षतामा आयोजित प्रतियोगितामा शैल्यशिखर नगरपालिकाका प्रमुख विजयसिंह धामीको प्रमुख आतिथ्यता रहेको थियो ।
कार्यक्रमको समापन सत्रमा बोल्दै नगरप्रमुख विजयसिंह धामीले अनुशासनपुर्वक खेल खेलेकोमा खेलाडी र व्यवस्थापक सबैलाई धन्यवाद व्यक्त गर्नुभयो । कार्यक्रमका अध्यक्ष महेश भण्डारीले प्रतियोगिता सम्पन्न गर्न सहयोग गर्ने सबैलाई धन्यवाद ज्ञापन गर्नुभयो ।
विगत ११ बर्षदेखि पत्रकारितामा सक्रिय लोकदर्पण मिडियाका संस्थापक/सञ्चालक लोकेन्द्र प्रसाद जोशी सामाजिक, आर्थिक, राजनीतिक लगायत समसामयिक विभिन्न विधामा कलम चलाउछन् ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया