दार्चुला । दार्चुलाको शैल्यशिखर नगरपालिकामा १४ औं नगरसभा सम्पन्न भएको छ । माघ १७ गते आज आयोजना भएको हिउँदे अधिवेशन तथा नगरसभा कार्यपालिकाका विभिन्न निर्णयहरू अनुमोदन तथा आवश्यक विषयमा छलफल गर्दै सम्पन्न भएको नगर उपप्रमुख शान्ति खडायतले जानकारी दिनुभयो ।
नगरप्रमुख विजयसिंह धामीको अध्यक्षतामा उद्घाटन भएको शैल्यशिखर नगरपालिकाको नगरअधिवेसन आजै सम्पन्न भएको हो । दार्चुलाका सात स्थानीय तहले यसअघि हिउँदे अधिवेशन आयोजना गरिसकेका छन् । लेकम गाउँपालिकामा फागुन १७ गते गाउँसभा तथा हिउँदे अधिवेशन आयोजना गर्ने निर्णय गरिएको गाउँपालिकाले जनाएको छ ।
पालिकाहरुले हिउँदे अधिवेशनमा बजेट शंसोधन, कार्यपालिकाबाट पारित ऐन, कानुन, नीति, नियमहरु अनुमोदन तथा विभिन्न प्रस्तावहरु पारित गर्ने गरेका छन् । बर्खे अधिवेसनबाट बजेट विनियोजन हुने गरेकोमा हिउँदे अधिवेसनमा नीतिमा केन्द्रित भएर छलफल हुने गरेको शैल्यशिखर नगरपालिकाका प्रमुख प्रशासकीय अधिकृत पुस्करसिंह धामीले बताउनुभयो ।
विगत ११ बर्षदेखि पत्रकारितामा सक्रिय लोकदर्पण मिडियाका संस्थापक/सञ्चालक लोकेन्द्र प्रसाद जोशी सामाजिक, आर्थिक, राजनीतिक लगायत समसामयिक विभिन्न विधामा कलम चलाउछन् ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया