दार्चुला । दार्चुलाको लेकम गाउँपालिका वडा नम्बर ४ आोडीगाउँमा सर्पको टोकाईवाट एक किशोरीको मृत्यु भएको छ । लेकमकै वडा नम्बर ५ मा अवस्थित लटिनाथ नमुना मावि चौपातामा कक्षा १० मा अध्ययनरत १६ वर्षीया छात्रा सुनिता गिरीको जेठ १८ गते (हिजो) दिउँसो खाना खाएर सुतिरहेको बेला घरभित्रै सर्पले टोकेको र बेलुकी ७ बजेतिर ज्यान गएको लटिनाथ आवि आोडिगाउँका शिक्षक सोवी गिरीले जानकारी दिनुभयो ।
माईली छोरी सुनिताको घरभित्रै दुःखद निधन भएपछि परिवार शोकस्तब्ध बनेको छ । लटिनाथ नमुना मावि चौपातामा १० कक्षामा अध्ययनरत छात्रा गिरीको दुःखद निधनले विद्यालय परिवार मर्माहत भएको लटिनाथ नमुना मावि चौपाताका सहायक प्रधानाध्यापक महेश राज जोशीले बताउनुभयो ।
मृतक किशोरीको आज अन्तिम संस्कार गरिएको छ ।
विगत ११ बर्षदेखि पत्रकारितामा सक्रिय लोकदर्पण मिडियाका संस्थापक/सञ्चालक लोकेन्द्र प्रसाद जोशी सामाजिक, आर्थिक, राजनीतिक लगायत समसामयिक विभिन्न विधामा कलम चलाउछन् ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया