दार्चुला । आइतबार राती परेको वर्षाका कारण ठाउँठाउँमा खसेको पहिरोले महाकाली लोकमार्गअन्तर्गत गोकुलेश्वर–खलङ्गा सडक अवरुद्ध बनेको छ । लोकमार्ग अन्तरगत शैल्यशिखरको कठपते नक्तड, पनेबाज र मालिकार्जुनको ऐरिछाना, धामीगाडा लगायत स्थानमा पहिरो खस्दा सडक अवरुद्ध भएको हो ।
सडक अवरुद्ध हुँदा जिल्लाबाट बाहिरिने र जिल्ला भित्रिने यातायातका साधन सडकमै रोकिएका छन् । दार्चुलाबाट महेन्द्रनगर, धनगढी, काठमाडौँ जाने र आउने दिवा तथा रात्रिसेवाका बस सडक अवरुद्ध भएपछि बाटोमै रोकिएका हुन् । पटक–पटक पहिरोका कारण अवरुद्ध हुने लोकमार्गमा छोटो दूरीका सवारीसाधन पनि सञ्चालन हुन नसक्दा यात्रुले सास्ती भोग्नुपरेको गुनासो गरेका छन् ।
आज बिहानदेखि डिभिजन सडक कार्यालय पाटनको जेसिबीले पहिरो पन्छाइरहेको बताइएको छ । ठाउँठाउँमा पहिरो खसिरहेकाले एउटा मात्र जेसिबीले पन्छाउन धेरै समय लाग्ने भएकोले पालिकाबाट समेत सडक पन्छाउने काम हुनुपर्ने स्थानीयको भनाई छ ।
बर्षाका कारण बाढी पहिरो आएर दार्चुलाका अधिकासं कच्चि सडकहरु बन्द अवस्थामा रहेका छन् । जिल्ला सदरमुकाम खलंगा जोड्ने महाकाली लोकमार्गमा समेत बेलाबेला पहिरो खस्दा यात्रुहरुले सास्ती भोग्नुपर्ने बाध्यता रहेको छ ।
विगत ११ बर्षदेखि पत्रकारितामा सक्रिय लोकदर्पण मिडियाका संस्थापक/सञ्चालक लोकेन्द्र प्रसाद जोशी सामाजिक, आर्थिक, राजनीतिक लगायत समसामयिक विभिन्न विधामा कलम चलाउछन् ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया