दार्चुला । दार्चुलाका किसानहरु स्याउ खेतीमा आकर्षित भएका छन् । हिमाली जिल्ला दार्चुलाका व्याँस, अपिहिमाल, मार्मा, नौगाड र दुहुँ गाउँपालिकामा स्याउ उत्पादन राम्रो हुने गरेको कृषि ज्ञान केन्द्र दार्चुलाका कृषि अधिकृत चन्द्र बहादुर ठगुन्नाले जानकारी दिनुभयो ।
गत वर्ष १७० हेक्टर जमिनमा २ हजार २३० मेट्रिक टन स्याउ उत्पादन गरिएकोमा यस वर्ष १८८ हेक्टर जमिनमा २ हजार ४७० मेट्रिक टन स्याउ उत्पादन भएको अधिकृत ठगुन्नाले बताउनुभयो । उहाका अनुसार दार्चुलामा पछिल्लो समय स्याउ उत्पादनमा किसानहरुको आकर्षण बढदै गएको छ ।
हिमाली क्षेत्रको स्याउ असोज महिनामा मात्रै बजारमा आइपुग्ने भएपनी यस वर्ष जंगली जनावरको प्रकोप बढेकाले नौगाड र मार्माको स्याउ स्थानीय बजारमा आइपुगेको छ । दार्चुलामै उत्पादन भएको स्याउको मुल्य प्रतिकिलो २५० रुपैयाँ कायम गरिएको कृषि ज्ञान केन्द्र दार्चुलाले जनाएको छ । अन्य क्षेत्रमा फलेको स्याउ भने असोजपछि मात्रै बजारमा आइपुग्ने बताइएको छ ।
विगत ११ बर्षदेखि पत्रकारितामा सक्रिय लोकदर्पण मिडियाका संस्थापक/सञ्चालक लोकेन्द्र प्रसाद जोशी सामाजिक, आर्थिक, राजनीतिक लगायत समसामयिक विभिन्न विधामा कलम चलाउछन् ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया