दार्चुला । दार्चुलाको शैल्यशिखर नगरपालिका–९ ठुल्सैनीमा सडक माथिबाट रुख खस्दा महाकाली लोकमार्ग तथा थालीगाड सवस्टेशनबाट प्रशारण हुने विद्युत लाईन अबरुद्ध भएको छ ।
सोमवार (आज) दिउँसो सडकमाथीबाट रुख खस्दा विद्युत तथा महाकाली लोकमार्ग अबरुद्ध भएको इलाका प्रहरी कार्यालय गोकुलेश्वरले जानकारी गराएको छ । उक्त क्षेत्रमा विजुलीका पोलहरु समेत खस्दा थालीगाड सवस्टेशनबाट प्रशारण हुने विद्युत सेवा समेत अबरुद्ध भएको नेपाल विद्युत प्राधिकरण दार्चुला वितरण केन्द्रका प्रमुख आनन्द सापकोटाले बताउनुभयो ।
सडकमा रुख खसेसंगै सडक समेत भासिएको र रुख हटाएपछि मात्रै विद्युत सेवा सूचारु गर्न सकिने उहाले बताउनुभयो । सडकमा रुख खस्दा जिल्लाका अधिकास स्थानमा विद्युत सेवा बन्द हुनुका साथै छोटो तथा लामो दुरीको लागि छुटेका सवारी साधनहरु ठुल्सैनीमै रोकिएका छन् ।
विगत ११ बर्षदेखि पत्रकारितामा सक्रिय लोकदर्पण मिडियाका संस्थापक/सञ्चालक लोकेन्द्र प्रसाद जोशी सामाजिक, आर्थिक, राजनीतिक लगायत समसामयिक विभिन्न विधामा कलम चलाउछन् ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया