दार्चुला । दार्चुलाको लेकम गाउँपालिकाको प्रमुख प्रशासकीय अधिकृतको जिम्मेवारी पाउनुभएका नेपाल स्वास्थ्य सेवा, हेल्थ ईन्स्पेक्सन समूह, अधिकृत छैटौँ अम्बादत्त जोशीले आज पदभार ग्रहण गर्नुभएको छ ।
मंगलवार (आज )गाउँपालिकामा एक कार्यक्रमको आयोजना गर्दै गाउँपालिका अध्यक्ष रामदत्त जोशीले अधिकृत जोशीलाई पदभार ग्रहण गराउनुभएको हो । उहाँले आजैदेखि जिम्मेवारी सम्हाल्नुभएको हो ।
सङ्घीय मामिला तथा सामान्य प्रशासन मन्त्रालय, स्थानीय तह कर्मचारी प्रशासन शाखाको असोज १४ गतेको पत्र अनुसार कार्यालयमा कार्यरत कर्मचारीमध्ये सबैभन्दा बरिस्ठ कर्मचारी जोशीलाई मन्त्रालयले प्रमुख प्रशासकीय अधिकृतको जिम्मेवारी दिएको थियो ।
जोशीले कार्यभार सम्हालेसंगै आर्थिक प्रशासनिक कामकाज सुचारु भएको छ ।
विगत ११ बर्षदेखि पत्रकारितामा सक्रिय लोकदर्पण मिडियाका संस्थापक/सञ्चालक लोकेन्द्र प्रसाद जोशी सामाजिक, आर्थिक, राजनीतिक लगायत समसामयिक विभिन्न विधामा कलम चलाउछन् ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया