दार्चुला । नेपाल सरकारले दार्चुलाको व्याँस गाउँपालिका–१ टिंंकरमा अध्यागमन कार्यालय खोल्ने निर्णय गरेको छ । कार्तिक ८ गते बसेको मन्त्रिपरिषद् बैठकले सीमा प्रशासन कार्यालय व्याँस छाङ्गरु दार्चुला खारेज गरी टिंकरमा अध्यागमन खोल्ने निर्णय गरेको सरकारका प्रवक्ता एवं सूचना सञ्चार तथा प्रविधि मन्त्री पृथ्वीसुब्बा गुरुङले जानकारी दिनुभयो ।
उहाँका अनुसार टिंकरमा अध्यागमन तथा सीमा प्रशासन कार्यालय स्थापना गर्न संगठन संरचना र दरबन्दी तेरिज स्वीकृत गर्ने निर्णय भएको छ भने छाङ्गरुको सीमा प्रशासन कार्यालय खारेज हुने भएको छ ।
सीमा प्रशासन कार्यालयबाट व्याँस गाउँपालिका–१ छाङ्गरु र तिंकर जान बहुयात्रा अनुमति पत्र (पास) दिने गरिएको छ । यद्धपी यो कार्यालय छाङ्गरुमा हुनुपर्नेमा जिल्ला सदरमुकामबाटै सेवा दिदै आएको छ ।
व्याँस गाउँपालिका–१ टिंंकरमा सरकारले अध्यागमन कार्यालय खोल्न लागेको खबरले जिल्लाबासी खुसी भएका छन् । अध्यागमन कार्यालयले जिल्लाको विकासमा टेवा पुग्ने विश्वास गरिएको छ ।
विगत ११ बर्षदेखि पत्रकारितामा सक्रिय लोकदर्पण मिडियाका संस्थापक/सञ्चालक लोकेन्द्र प्रसाद जोशी सामाजिक, आर्थिक, राजनीतिक लगायत समसामयिक विभिन्न विधामा कलम चलाउछन् ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया