दार्चुला । दार्चुलाको शैल्यशिखर नगरपालिका वडा नम्बर १ मा अवस्थित घरकुणी सामुदायिक वन र शिखर सामुदायीक वनमा स्थानीयहरुले जथाभावी वन फडानी गरिरहेको छन् ।
४० हेक्टर क्षेत्रफल जमिनमा रहेको घरकुणी सामुदायिक वनमा पाईने सल्ला र हर्रोका रुखहरु जथाभावी फडानी भइरहेको शैल्यशिखर नगरपालिका वडा नम्बर १ का वडा अध्यक्ष भरत खडायतले जानकारी दिनुभयो ।
यस विषयमा घरकुणी सामुदायिक वन समिति अध्यक्ष परमा खडायत लाई बुझदा स्थानीयहरुले लुकीछिपी बनजन्य बस्तुहरुको चोरी पैठारी गरिरहेको जानकारी दिनुभयो । आफुले स्थानीय संग पटक, पटक वन फडानी नर्गन अनुरोध गरेको भएपनी वेवास्ता गरेर वन फडानी गरिरहेको उहाँको आरोप छ ।
वन फडानी गर्नेहरुको खोजी कार्य गरेर आवश्यक कार्वाही गरिने समेत वन समिति अध्यक्ष खडायतले बताउनुभयो । स्थानीय शुरेन्द्र खडायतले वन समितिमै सक्रिय रहेका स्थनीयहरुले वन पैठारी गरिरहेको बताउनुभयो । उहाँका अनुसार लगत्तै वन समितिको बैठक डाकेर आवश्यक कार्वाही गर्ने बताउनुभएको छ ।
यस्तै वडा नम्बर १ कै शिखर सामुदायिक वन थालामा पनी जथाभावी वन फडानी भइरहेको स्थानीयले बताएका छन् ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया