दार्चुला । आईसीसी च्याम्पियन्स ट्रफी क्रिकेटको फाइनलमा पुग्न आज न्युजिल्यान्ड र दक्षिण अफ्रिका खेल्दैछन् । यो खेल पाकिस्तानको लाहोरमा दिउँसो पौने तीन बजे शुरू हुनेछ ।
न्युजिल्यान्ड समूह ‘ए’ को उपविजेता र दक्षिण अफ्रिका समूह ‘बी’ को विजेता बन्दै सेमिफाइनलमा पुगेका हुन् ।
हिजो भएको पहिलो सेमिफाइनलमा अष्ट्रेलियालाई ४ विकेटले हराउँदै भारत फाइनलमा पुग्यो । दुई पटकको उपाधि विजेता भारत लगातार तेस्रो पटक फाइनलमा पुगेको हो ।
भारतले आज हुने दोस्रो सेमिफाइनलको विजेता टोलीसँग उपाधिको लागि आइतवार खेल्नेछ । फाइनल खेल दुबईमा हुनेछ ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया