दार्चुला । दार्चुलामा आर्थिक बर्ष २०७९।८० देखि चालु आर्थिक वर्ष २०८१।८२ को हाल सम्म सवारी दुर्घटनामा परि २६ जनाले ज्यान गुमाएका छन ।
जिल्ला प्रहरी कार्यालय दार्चुलाका अनुसार सो अवधिमा भएका १४ वटा सवारी दुर्घटनामा परि २६ जनाले ज्यान गुमाएका हुन । सोहि अवधिमा ति दुर्घटनामा परि २८ जना घाइते भएको जिल्ला प्रहरी कार्यालय दार्चुलाका प्रहरी निरीक्षक तथा सूचना अधिकारी कान्तीराज जोशीले जानकारी दिनुभयो ।
जिल्ला प्रहरी कार्यालय दार्चुलाका अनुसार यि मानविय क्षती भएका मात्रै दुर्घटना हुन । जिल्ला प्रहरी कार्यालय दार्चुलाका तथ्याङ्क अनुसार आर्थिक वर्ष २०७९।८० मा जिल्लामा मानविय क्षती भएका ९ वटा दुर्घटना भएका छन। सो वर्ष ९ दुर्घटनामा परि १४ जनाले ज्यान गुमाएका छन, भने २३ जना घाइते भएका छन ।
त्यस्तै आर्थिक वर्ष २०८०। ८१मा ३ वटा माननविय क्षती भएका ३ वटा सवारी दुर्घटनामा भएका छन। जसमा ३ जनाले ज्यान गएको छ । चालु आर्थिक वर्ष २०८१।८२ को हाल सम्म जिल्ला भरि मानविय क्षती भएका ३ वटा सवारी दुर्घटनामा ९ जनाको ज्यान गएको छ, भने ५ जना घाइते भएका छन । दार्चुला जिल्ला भरि ४ वटा ट्राफिक पोष्ट मार्फत सवारी चेकजाँच हुने गरेको छ।
जिल्ला सदरमुकाम खंलगा सहित गोकुलेश्वर मालिकार्जुन मार्मा र नौगाडमा ट्राफिक प्रहरी पोष्ट रहेका छन। प्रहरीले चेकजाँचमा कडाई गर्ने भन्दै ट्राफिक पोष्ट बढाए पनि सवारी दुर्घटनामा भने कमी नआएको प्रहरीको तथ्याङकले देखाएको छ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया